النهارده صراحه كنت عايزه اكلمكم فى موضوع فاقع مرارتى وقارفنى فى عيشتى
وخانقنى أوى
قولوا أيه
أييييييييييييه
حكايه الصينيين اللى ملوا البلد وبعيد عنكوا بقو عاملين زى الوبا
الواحد لما بيشوفهم ماشيين فى الشارع لايملك غير أنه يقولهم كلمه واحده
(كتكوا نيله مليتوا البلد )
والغريبه والأغرب اننا عندنا كام مليون شاب عاطل
والله ماعرف هما كام بس كتيييييييييييييييير أوى
ودول بييجوا عندنا عشان يشتغلوا
طب نقول موش مشكله خليقهم يرزقوا ....
ربنا يسهلهم وبلاش أحنا
وهما كدا كدا موش هيلاقوا شغل .... هوا أحنا عندنا شغل ؟
داحنا غلابه
بس هما بقى بيلاقوا شغل وشغل زى الفل كمان
غير الخدمه فى البيوت طبعا
حاجات كتير
انا عن نفسى المنطقه بتاعتى فيها صينييين كتير جدا
بيشتغلوا كمندوبى مبيعات
يشتغلوا فى الملابس
تلاقى بت صينيه سوفيفه كده شايله على ضهرها شنطه فيها يجى 5 طن من خيرات ربنا
أشى ملابس ..... أشى مكن حلاقه ..... أشى كراريس وأجندات ..... أشى ..... أشى
من كل خيرات ربنا تلاقى وكلها للعلم بتبقى صينى برضه
وكله شايله على ضهرها وأنت لو وزنتها على بعضها مش هتلاقيها 10 كيلو (عالم عندها صحه )
يعنى مثلا تلاقى مندوبه المبيعات دى معاها تشكيله من أروع المنتجات (على حد قولها ) ويتهيألك أنهم ب 100 جنيه وف الأخر تلاقيها بتقولك دول ب 10 جنيه بس (وممكن تفاصل معاها كمان )
وبعد ماتشترى وتتسك السكه التمام تكتشف ان المنتجات دى جواها مؤقت زى بتاع القنبله
بتعد يوم واحد وبعدين بتنفجر وتتحول الى رماد وماحدش يكدب ويقول لو حافظنا عليها هتعيش (هههه ده بعدك يا ضنايا )
بأقلوكوا بتنفجر يعنى حتى موش هتعرف تلم الأشلاء
ومن ساعتها مابستغربش لأنى عارفه ان الصينيين قرود وممكن يعملوا أى حاجه
ده غير التصاحه اللى عندهم بطريقه غريبه
يعنى اى واحد مسافر بلد مايعرفهاش ولا يعرف لغتها ولا عاداتها ولا الأسعار فيها أيه
طبيعى ينضحك عليه فى الأول
انما دول (قلنا قرود ماتقرفوناش )
والله باشوفهم وهما بيشتروا بيفاصلوا أحسن من المصريين
وعليهم نصاحه (ربنا يا خدهم )
ندخل بقى عالمنتجات الصينيه (حدث ولا حرج )
كل حاجه بقت صينى ..... كل حاجه
الغسالات ..... التلاجات ..... المكاوى .... الموبيلات ... الملابس ..... الجلاليب وسجاجيد الصلا والسبح والأندر وير كله كله
والولاعات كمان
والولاعات دى حكايتها حكايه
بابا مره كان بيشترى ولاعه لقا ولاعه حلوه وزى الفل وفيها كشاف بينور سأل الراجل بكام ؟
تخيلوا قاله بكام ....
بربع جنيه
والله بربع جنيه
وسأله هى ماركتها أيه
قاله صينى طبعا (هو فى حاجه دلوقتى مش صينى )
وفرحااااان
وطبعا كل الحاجات والأجهزه والبلاوى دى والولاعات كمان
فى مابينهم عامل مشترك واحد ألا وهو
المؤقت اللى بينفجر بعد فتره معينه وغالبا بتبقى أيام معدوده
كتكو نيله مليتوا البلد
متهيألى أنهم قريب ممكن يعملوا مواطنين مصريين ( Made in china )
بيمتازوا بالخرس والعمى والطرش عن كل ماتصدره الحكومه من أقوال وأفعال واللذى منه
يعنى عشان مانفضلش قارفين الحكومه المسكينه دى فى عيشتها
يعنى مثلا انا مره شفت خبر فى نشره الأخبر ملخصه
أن الحكومه الأميريكيه او بمعنى أصح الرئيس الأمريكى يتقابل مع الرئيس اليابانى لبحث الضمانات اللازمه للتأكد من جوده المنتجات الصينيه اللتى تعرض فى الأسواق الأميريكيه
ماشى ياعم يابختكوا عقبالنا
ولا بلاش ليقولوا علينا قللات الأدب
وعايزين نعمل راسنا براس الأمريكان
وعقبال مالريس بتاعنا يتقابل مع الريس اليابانى كده للـاكد من جوده المواطين اللى بيشتروا المنتجات الصينيه
ومطابقتهم للمواصفات القياسيه الصينيه
الثلاثاء فبراير 09, 2010 4:18 am
